Një varg shpërthimesh në një treg fishekzjarresh në Meksikë ka shkaktuar të paktën 31 viktima dhe më shumë se 70 persona të tjerë të plagosur, njoftuan dje në mbrëmje zyrtarë meksikanë.
Shpërthimet ndodhën në tregun e fishekzjarreve “San Pablito”, në qytetin e Tultepekut në shtetin e Meksikës.
“Të paktën 26 persona kanë vdekur në vendin e ngjarjes dhe tre të tjerë kanë vdekur nga plagët e rënda, rrugës për në spital”, deklaroi Eruviel Avila, guvernatori i shtetit të Meksikës.
“Tre fëmijë të plagosur rëndë janë transportuar në Shtetet e Bashkuara të Amerikës për trajtim”, shtoi ai.
Ende nuk bëhet i ditur shkaku i shpërthimit por zyrtarët deklaruan se janë duke hetuar.
