Grupi terrorist Al Nusra ka marre përsipër vrasjen e ambasadorit rus ne Ankara,
Andrei Karlov. Agjencia ruse “Sputnik”, por edhe disa media te tjera i referohen nje letre te postuar ne internet nga ky grup, qe është ndare nga rrjeti Al Kaeda dhe mban nje tjeter emër. Me herët mediat turke raportuan se numri i te arrestuarve gjate hetimit ka arritur ne 13. Ndalimet janë kryer ne Ankara, Izmir dhe Ajdin. Por Turqia beson se pas sulmit qëndrojnë mbështetësit te klerikut turk qe jeton ne SHBA, Fetullah Gylen.
Ministri i Jashtëm turk, Mevlut Cavushoglu i telefonoi homologut amerikan John Kerry dhe deklaroi se organizata e Gylen ka gisht ne sulm. Megjithatë, disa media turke kane publikuar foto qe tregojnë se vrasësi i ambasadorit, 22-vjecari Mevlut Mert Altintas, ishte mbështetës i presidentit turk Rexhep Taip Erdoan, pasi kishte marre pjese ne disa takime te partisë se tij AKP.
Ai ka qene gjithashtu pjese e truprojave te presidentit ne javët qe pasuan grushtin e dështuar te shtetit ne muajin korrik. Ndërkaq, Rusia ka shprehur dyshime qe vrasësi i ambasadorit te ketë vepruar i vetëm, raporton Vizion Plus. Zedhenesi i presidentit Putin, Dmitry Peskov deklaroi se nuk duhet nxituar me asnjë teori, derisa hetuesit te publikojnë konkluzionet. Funerali i diplomatit rus do te mbahet ditën e enjte.
