Gjermani është tronditur sërish. Pas sulmit terrorist në Berlin, në një dyqan në Wiesbaden ka mbetur një person i vrarë dhe një tjetër i plagosur.
Personi i plagosur është mbrojtësi i Dynamo Dresden, Marc Wachs, shkruan gazeta gjermane, “Bild”.
Wachs i është nënshtruar një operacioni dhe është jashtë rrezikut për jetë ka njoftuar skuadra nga Bundesliga 2.
“Ne jemi të tronditur, të habitur dhe të prekur thellë. E gjithë familja e Dynamos qëndron prapa Marku dhe familje së tij “, ka thënë drejtori sportiv i Dresden, Ralf Minge, nëpërmjet faqes zyrtare të klubit.
Zëdhënësi i policisë, Markus Hoffmann ka konfirmuar për “Bild” se janë në kërkim për dy të dyshuarit, të moshës mes 20 dhe 30.
“Motivi i këtij aktit është i paqartë. Ne jemi tani në kërkim të autorëve, madje edhe duke përdorur helikopterë.”, ka theksuar ai.
