Policia e Kurbinit ka arrestuar një 29-vjeçar nga Kukësi pasi iu gjetën në makinë 16 kilogramë kanabis. Gjatë një kontrolli të ushtruar në Fushë-Milot në makinën tip “Jeep” të drejtuar nga Shpëtim Zyberaj, policia e Kurbinit gjeti të fshehur lëndën narkotike.
Sakaq, u shpall në kërkim 39-vjeçari me inicialet E.M., banues në Tiranë, dhe po punohet për kapjen e tij, pasi dyshohet si bashkëpunëtor në këtë veprimtari kriminale.
Ndërsa materialet në ngarkim të tyre iu kaluan prokurorisë së rrethit për procedim të mëtejshëm penal, pasi akuzohen për “Prodhim dhe shitje e lëndëve narkotike”.
