Policia e Pogradecit ka kapur një sasi droge por pa mundur të kapë autorët.
Sipas të dhënave zyrtare, janë sekuestruar 38 kg bimë të dyshuar narkotike Cannabis Sattiva, në afërsi të fshatit Lin.
Specialistët e Seksionit për Narkotikët në Drejtorinë Vendore të Policisë Korçë, në bashkëpunim me punonjësit e Stacionit të Policisë Kufitare Pogradec, në bazë të një informacioni kanë ushtruar kontroll në afërsi të fshatit Lin-Pogradec, tek vendi i quajtur “Uji i Kristaltë”, ku kanë konstatuar në breg të liqenit, një sasi prej 38 kg bimë të dyshuar si narkotike Cannabis Sattiva.
Lënda narkotike është sekuestruar me cilësinë e provës materiale. Nga ana e Policisë, po vijon puna për identifikimin e kapjen e autorëve.
