Nga Interpol Tirana është kryer ekstradimi nga Roma, Itali drejt vendit tonë i 40-vjeçarit shqiptar Maksim Sota, lindur në Fier.
Kjo pasi, me vendimin Nr.39 datë 06.07.2004, Gjykata e Rrethit Gjyqësor Fier e ka dënuar me 13 vjet burgim për kryerjen e veprës penale “Shfrytëzim prostitucioni në rrethana rënduese”, parashikuar nga nenet 114/a pika 5, 6 të Kodit Penal.
Ky shtetas së bashku me vëllain R.Sota kanë shfrytëzuar një shtetase për prostitucion në Greqi dhe Itali nga viti 1997 deri në vitin 2002.
Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, duke u finalizuar me ekstradimin e tij drejt vendit tonë.
