24-vjeçarin Musa Saraçi i cili vrau taksistin Idriz Karriqin është lënë në qeli nga gjykata e Kavajës.
Akuza që rëndojnë mbi të riun janë vjedhje me pasojë vrasje. Prokuroria ka paraqitur provat për krimin e kryer nga ai. Më herët, Baush Batusha personi që ka blerë makinën është lënë i lirë nga gjykata e Kavajës nën masën e sigurisë detyrim paraqitje.
Ai u arrestua një ditë pas vrasjes së taksistit Idriz Karriqi për blerjen e makinës tip “Benz” pa dokumentacionin e nevojshëm.
Sipas policisë Batusha pronar i një pike grumbullimi në Kavajë kishte marre makinën nga autori Musa Saraçi.
