Shtohen zërat për një rikthim të mundshëm të Tony Blair në politikë. Ish-Kryeministri i Britanisë po kërkohet nga anëtarët e partisë së tij që të rimarrë drejtimin e saj. Prej kohësh në fakt, Blair ka folur për kthimin e tij në politikë.
Në një festë me karaoke me 60 deputetë të Partisë Laburiste në Britani të Madhe, ata kënduan duke kërkuar rikthimin e ish-kryetarit të tyre.
“Ne duam Tonyn”, u shprehën deputetët laburistë. Kjo sjellje e tyre nuk i pëlqeu aspak kryetarit aktual Jeremy Corbyn. Ky i fundit braktisi festën dhe u largua i pakënaqur.
Gjatë javëve të fundit ka pasur zëra në Britani të Madhe se ish-Kryeministri Tony Blair po bëhet gati për t’u rikthyer në politikë. Kjo për shkak të situatës në të cilën ndodhet shtetit ishullor pas referendumit për daljen nga Bashkimi Europian.
Kryeministrja aktuale Theresa May nuk cilësohet e denjë për të udhëhequr Anglinë, ndërsa më herët zyra e Blair hodhi poshtë pretendimet për një rikthim të mundshëm.
