Policia e Tiranës ka ndaluar avokatin Genc Gjokutaj, pasi ka kundërshtuar urdhrin e policisë për të ndaluar.
Gjokutaj është arrestuar pranë stadiumit “Qemal Stafa” teksa drejtonte automjetin e tij dhe ka rezultuar se kishte konsumuar alkool tej normave të lejuara.
Mesa duket kjo është një shkelje e përsëritur nga avokati Gjokutaj, të cilit në muajin shkurt të këtij viti iu hoq patenta për tejkalim të normave të shpejtësisë.
Në momentin e ndalimit ai ka fyer efektivët e policisë, shkruajnë mediat shqiptare.
