Një marrëveshje e re është arritur për vazhdimin e evakuimit të civilëve dhe rebelëve nga Alepo lindore, i ka thënë një zyrtar televizionit, Al Arabyia më 17 dhjetor.
Duke folur nga Alepo, Al Farouk Abu Bakr ka thënë se marrëveshja përfshinë evakuimin edhe nga fshatrat Shiite që kontrollohen nga kryengritësit. Ai ka thënë se do bëhet evakuimi edhe i personave të lënduar nga dy qyteza që mbahen të rrethuara nga forcat pro qeveritare në afërsi të kufirit me Libanin, dhe evakuimin e plotë nga Alepo lindore.
Agjencia e lajmeve, Reuters gjithashtu ka cituar një burim qeveritar sirian i cili në kushte anonimiteti ka thënë se është arritur marrëveshje për vazhdimin e evakuimit.
Mëngjesin e 17 dhjetorit, televizioni shtetëror sirian ka thënë se evakuimi do tw mbetej i pezulluar derisa rebelët të lejonin banorët e dy fshatrave Shiite të largoheshin për te zonat që kontrollohen nga qeveria.
Grupi opozitar sirian me seli në Britani, Vëzhguesi Sirian për të Drejtat e Njeriut gjithashtu ka thënë se evakuimi i rreth 4 mijë njerëzve nga këto fshatra mund të fillojë sot.
Evakuimi i Alepos ishte pezulluar dje, një ditë pasi kishte filluar si pasojë e akuzave dhe kundër akuzave nga palët pwr shkeljen e armëpushimin. Mijëra janë evakuuar para se procesi të ndalej.
