Në parlament ka edhe momente kur deputetët lirohen nga kostumi zyrtar dhe kanë kohë të shkëmbejnë edhe përshëndetje apo biseda me njeri-tjetrin.
Emisioni “Kjo javë” i gazetares Nisida Tufa në “Neës 24” ka sjellë pamje nga seanca e kaluar parlamentare ku kanë rënë në sy miklimet e ministrit të Financave, Arben Ahmetaj ndaj disa deputetëve të mazhorancës dhe ministrave të qeverisë.
Ajo që bie në sy është një xhest i pazakonstë i ministrit që ndoshta për forcë zakoni i ka përkëdhelur të gjithë deputetët, femra e meshkuj, përfshi edhe ministrat socialist që ka takuar në seancë.
Gjatë punimeve plenare, kamera e “Neës 24” ka kapur edhe disa SMS mes deputetit socialist, Musa Ulqini dhe rrobaqepësit të tij. Pavarësisht se e enjtja e kaluar ishte një nga ditët më të rëndësishme të Parlamentit sepse do miratohej Buxheti i vitit 2017, Ulqini më shumë se sa tek ekonomia e vendit e kishte përqëndruar vëmendjen tek kostumi i rradhës “handmade” që kishte porositur.
SMS -të mes deputetit socialist, Musa Ulqini dhe rrobaqepësit, Adrian Sulo
RROBAQEPËSI: Përshëndetje! Si po kalon? Nëse mundeni sot ejani për një provë të dytë, më thuaj për orën e mbasdites që t’ju pres. Flm. Adrian Sulo
MUSA ULQINI: Flm z.Ardian. Në orën 17:00. Ok?
