Një tjetër rast i ngacmimit seksual shënohet në Tiranë.
Mësohet se një 14-vjeçare është ngacmuar seksualisht pasditen e dy ditëve më parë, rreth orës 16:00, te rruga e Kavajës.
Sipas policisë, mëngjesin e sotëm është vënë në pranga 19-vjeçari Lulzim. B., pasi akuzohet se ka ngacmuar një vajzë 14-vjeçare seksualisht.
Vetëm gjatë ditës së djeshme, janë shënuar dy raste të tjera akoma dhe më të rënda.
Një 39-vjeçar është arrestuar pasi akuzohet se ka ngacmuar seksualisht vajzën e mitur të një shoku të tij. Ndërsa, një tjetër person, banues në Kombinat, është vënë në pranga pasi dyshohet se ka përdhunuar fqinjën e tij, me probleme mendore.
