Një aksident ka ndodhur paraditen e sotme tek kthesa e Ujit të Ftohtë në aksin Lapardha – Lumas në Berat. 53 -vjeçari nga Elbasani ka humbur kontrollin e makinës që drejtonte dhe ka përfunduar përmbys me të 4 pasagjerët që kishte brenda në makinë.
Nga rrëzimi i makinës, pasagjerët u lënduan dhe u dërguan për ndihmë mjekësore në Spitalin Rajonal të Beratit, ku mësohet se janë jashtë rrezikut për jetën.
Policia e Beratit ka arrestuar shoferin, Asqeri Plakën, i cili ishte duke drejtuar automjetin tip “Opel Astra”, me targa AA384HC që ka rrëshkitur si pasojë e ngricave në rrugë.
Sipas Policisë, ai akuzohet për veprën penale “Shkelja e rregullave të qarkullimit rrugor”, parashikuar nga neni 290 i Kodit Penal.
