Policia e Shtetit ka vijuar edhe sot operacionin “Blici Rrugor”, në aksion vetëm për vendosjen e rripit të sigurimit.
Shtrirë në 12 qarqet e vendit, në akset kryesore dhe zonat urbane, operacioni sapo ka nisur dhe do të zgjasë deri në orën 14:30. Policia e Qarkullimit Rrugor është mbështetur nga Policia e Rendit dhe Shqiponjat. Sot jane angazhuar rreth 850 punonjës Policie në total. Jane ngritur dhe po funksionojnë 160 pika kontrolli në të gjithë vendin. Aksioni synon goditjen e paligjshmërisë, kryesisht atë që lidhet me zbatimin e nenit 170 të Kodit Rrugor, për mosvendosjen e rripit të sigurimit. Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit por edhe të respektimit të rregullave të qarkullimit rrugor në tërësi.
