Çdo deklaratë e fortë e ambasadorit amerikan në Tiranë Donald Lu, sjell shqetësime tek politikanët shqipatrët shqiptarë. Pas deklaratave të bëra ditën e djeshme nga ambasadori, për mos arrestimin e të shumëkërkuarit Klemend Balili, ka reaguar edhe ministri i Drejtësisë, Ylli Manjani.
Duke folur në punimet e Forumit Ministerial të Ballkanit Perëndimor për Çështjet e Drejtësisë dhe ato të Brendshme, Ministri Manjani tha se mbështet plotësisht deklaratën e ambasadorit Lu. Manjani shtoi se prej 7 muajsh, institucioni që ai drejton, ka përsëritur publikisht të njëjtin shqetësim.
Në një reagim, numri një i drejtësisë ka thënë se me këtë çështje është luajtur ping-pong mes institucioneve dhe se ligji përcakton qartë se kush i bën arrestimet.
“Mbështes plotësisht shqetësimin e shprehur ditën e djeshme nga Ambasadori i Shteteve të Bashkuara të Amerikës, z. Donald Lu në lidhje me mos arrestimin e shtetasit Klement Balilit. Gjej rastin t’ju informoj, se sikurse edhe mund të jeni në dijeni prej 7 muajsh dhe në mënyrë të përsëritur e kam shprehur dhe publikisht këtë shqetësim. Mostrajtimi apo trajtimi i gabuar i kësaj çështje nuk mund t’i barazojë institucionet e shtetit në përgjegjësi dhe as të luhet “ping¬p0ongu” i radhës. Ligji shqiptar përcakton qartë se kush arreston, kush ndalon, kush akuzon dhe kush dënon persona të përfshirë në shkeljet e ligjit. Ministri i Drejtësisë vetëm ndihmon me transmetim letër porosish dhe/ose përkthim zyrtar të dosjeve. Këtë detyrë e kemi bërë në kohë record”, ka thënë Manjani.
