Një aksident ka ndodhur sot në Fier ku ka mbetur i plagosur një i ri.
Ngjarja ka ndodhur në Levan kur ka mbetur i plagosur rëndë 25-vjeçari Ledio Caka nga Tirana. Mësohet se mjeti ku po udhëtonte si pasagjer humbi kontrollin dhe doli nga rruga.
Caka ndodhet në gjendje të rëndë, pasi ka marrë disa plagë nga përmbysja e makinës, ndërsa ndodhet nën mbikëqyrjen e mjekëve.
Policia ka nisur hetimet për aksidentin duke marrë në pyetje drejtuesin e mjetit, i cili raportohet se nuk ka pësuar shumë lëndime.
