Ambasada e Amerikane në Tiranë ka reaguar pas përgjigjes së Komisionit të Venecias për ligjin e vetingut.
“Venecia” tha një përgjigje pozitive dhe e vlerësoi ligjin se nuk shkel të drejtat e njeriut. Kështu, Ambasada Amerikane e mirëpret opinionin e “Venecias” dhe shkruan se tashmë pret që Kushtetuesja të bëjë punën e saj.
DEKLARATA
Ambasada e Shteteve të Bashkuara mirëpret opinionin e datës 10 dhjetor të Komisionit të Venecias mbi Ligjin shqiptar të Vetingut. Vetingu i gjykatësve do të jetë një hap kuptimplotë drejt eliminimit të korrupsionit të thellë gjyqësor në Shqipëri dhe opinioni i Komisionit të Venecias duhet t’i japë fund çdo shqetësimi legjitim lidhur me ligjin. Presim vendimin e Gjykatës Kushtetuese mbi Ligjin e Vetingut, që ka pasoja me ndikim të gjerë për Shqipërinë dhe të ardhmen e saj. Shtetet e Bashkuara kanë besim se Gjykata Kushtetuese do të riparojë besimin e publikut tek sistemi gjyqësor që është dëmtuar nga gjykatës dhe prokurorë të korruptuar.