Frika nga sulmet e kundërshtarit politik në fushatën elektorale te 2017 ka bere qe partitë politike te marrin masa. Të parët janë socialistet të cilët kane nxituar që në propozimet për kodin e ri zgjedhor të kërkojnë që shteti te mbylle portalet anonime te cilat bëjnë propagande për një subjekt politik.
“Ndalohet përdorimi i portaleve elektronike të pakontrolluara nga Bordi i Monitorimit të Mediave për propagandë zgjedhore. Autoritet shtetërore marrin masa për mbylljen gjatë fushatës zgjedhore të portaleve elektronike të paregjistruara të cilat përhapin propagandë zgjedhore, zhvillojnë sondazhe pa respektuar rregullat e këtij kodi, apo kalojnë kufirin e informimit dhe konsiderohen propagandë zgjedhore”,- thuhet në amendamentin e socialisteve.
Duket se socialistet i druhen një skenari amerikan ku portale anonime u kthyen në një problem real ne fushatën presidenciale te SHBA duke ndikuar ne opinionin publik. Ajo qe bie ne sy ne amendamentet e se majtës, janë parashikimet për materialet propagandistike, ku ndalohet “prodhimi dhe shpërndarja e shkrepëseve, çakmakëve, apo mjeteve të ngjashme ndezëse për propagandë elektorale”.
Një tjetër propozim i socialisteve është edhe ai për depolitizimin e KZAZ-ve dhe KQZ-ve. PS kërkon që anëtari i shtatë në KZAZ të vijë nga radhët e noterëve publikë, ndërsa në KQZ nga radhët e mësuesve. ‘News24’ dhe ‘BalkanWeb’ kane mësuar së kërkesat e socialistëve nuk janë mikrpritur në kampin opozitar dhe do refuzohen në mbledhjen e parë që do të thirret./BW
