Ish¬kryeministri Sali Berisha u paraqit vetë sot në mbledhjen e komisionit parlamentar hetimor të CEZ, ku vetëm ka akuzuar kreun e komisionit Taulant Balla, i cili kishte kërkuar që deputeti demokrat te sillej me Polici sot ne seancë.
Teksa Balla i kërkoi Berishës në nisje të betohet për të thënë të vërtetën, ai iu kthye:
Berisha: S’ke autoritet të marrësh betimin tim, nuk ke moral për të marrë betimin. Para dobësisë ekstreme të sektorit ligjor dhe parlamentit, zgjodha të respektoj parlamentin por në asnjë mënyrë njeriun e dënuar me vendim të formës së prerë si shpifës i ndyrë dhe që s’pranon të paguajë 10 milion lekë gjobë për atë që ka bërë. Je dy herë kriminel, së pari për shpifjen dhe së dyti për mospagesën. Kur unë të pranoj të jap mendimin tim, unë do ja jipja c’te thuash mos më bëj me fol. S’po flas këtu për akuza të tjera monstruoze që rëndojnë mbi ty sic është përdhunimi i një të sëmure…
Balla: Zoti dëshmitar nuk pranoni…
Berisha: Kërko ndjesë publike për mashtrimin qe i bërë publikut shqiptar.
Balla: Zoti dëshmitar mos u mundoni ta prishni këtë seancë. Emër, mbiemër për efekt procesverbali.
Berisha: S’mund të them asgjë një personi të dënuar si shpifës i ndyrë, mbani procesverbal, shkruajeni , fjalë për fjalë.
Balla: Gjeneralitetet nuk i thoni dot?
Berisha: Shpifës ordiner që i thoni qytetarëve që s’jam dënuar kurrë. vijon…