Një 18 vjeçar ka aksidentuar për vdekje sot një të moshuar.
Sipas policise, ngjarja ka ndodhur rreth orës 13:00, tek Bulevardi “Blu”, në afërsi të një karburanti. “Drejtuesi i automjetit “BMW”, shtetasi A. H., 18 vjeç, ka aksidentuar këmbësorin S. K., 71 vjeç, i cili është dërguar në Spitalin e Traumës në gjendje të rëndë shëndetësore, dhe më pas ka gjetur vdekjen si pasojë e plagëve të marra. Grupi hetimor në vendin e ngjarjes po punon për sqarimin e rrethanave të këtij aksidenti. Drejtuesi i mjetit është ndaluar nga shërbimet e Komisariatit Rajonal të Qarkullimit Rrugorë për veprime të mëtejshme.
