Personi që shihni në foton e mësipërme është Aleksandër Bardhi nga Kaçinari i Mirditës. Ai u vra në 24 shtator në fshatin Shëndëlli të Sarandës. Ai ishte vëllai Petrit Bardhit, ish-kryetar i komunës së Kaçinarit nga viti 2013 e në vijim, (foto poshtë).
Por çfarë kërkonte një mirditor në Sarandë. Policia thotë se shkak u bë trafiku i kanabisit. Ishte sërish i njëjti shkak që të vriten 47-vjecari ndërsa trupi i tij i bërë të gjendej në anë të rrugës nga të afërmit. Menjëherë për policinë lidhja u bë me aktivitetet e dy vëllezërve të tjerë Petritit dhe Florianit.
Në shkurt të këtij viti, Petrit Bardhi 44 vjeç, u arrestua nga policia, pas disa muajve që kaloi në arrati. Në tetor të vitit 2015 në banesën e tij në fshatin Simon, ku familja Bardhi kishte jetuar vite më parë, policia gjeti 424 kilogramë kanabis të tharë në përgatitje për ambalazhim, me qëllimin trafikimin drejt Greqisë. Lënda narkotike do trafikohej nga dy vëllezërit Petrit dhe Floarian Bardhi, të dy të shpallur në kërkim në atë kohë, por që administratori i Kaçinarit mundit të vihet në pranga në shkurt 2016. Vëllai i tij Floriani, do të do të merrte përsipër trafikimin e drogës nga Saranda në Greqi, pasi në banesë u gjet edhe një pasaportë biometrike me emrin e Florian Bardhit, 50 vjeç.
Operacioni policor në atë kohë ishte koduar “Shëndellia”, pikërisht me emrin e fshatit të Sarandës ku jeton Petrit Bardhi dhe ku në 00:35 të këtij mëngjesi u gjet i vrarë vëllai i tij.
Petrit Bardhi rezulton i dënuar edhe më parë për veprën penale “dhënie ndihmë për kalim të paligjshëm të kufirit”.
Në maj të vitit 2015 Petrit Bardhi u ndalua në Tiranë pasi iu gjet një pistoletë, por më vonë u vërtetua se ai kishte leje për mbajtjen e armës. Ndërsa në vitin 2013 kur mbante postin e kryetarit të komunës së Kaçinarit ai pati një përplasje me armë me policinë.
44-vjeçari u emërua administrator i njësisë administrative Kaçinar pas zgjedhjeve vendore 2015, nga kryetari i Bashkisë së Mirditës, Ndrec Dedaj, i Partisë Socialiste.
Për vrasjen e Aleksandër Bardhi janë arrestuar 2 persona ndërsa Albi Xhezairi është shpallur në kërkim. Babai i tij u ekzekutua këtë të diel në derë të shtëpisë. 53-vjeçari Agron Xhezairi u vra në Ksamil të Sarandës pasditen e së dielës rreth orës 17.40. Viktima ka ndërruar jetë disa minuta më vonë, pas plagëve të rënda të marra në trup pasi ndaj tij është qëlluar me breshëri automatiku. Kjo nuk është hera e parë që i bëhej një atentat. Në 30 tetor ai arriti t’ i shpëtonte një bombe me telekomandë të vendosur në makinën e tij./Lapsi.al
