Ka përfunduar pas rreth 90 minutash diskutimesh takimi midis kryeministrit të Kosovës, Isa Mustafa dhe homologut të tij malazez Dushko Markoviç si dhe delegacionet përkatëse takim i zhvilluar në qytetin e Shkodrës.
Pas takimit, ata nuk kanë preferuar të flasin për mediat.
Takimi u zhvillua në një prej hoteleve në qytetin verior.
Burime nga takimi thanë se pjesë e bisedimeve pritet të jetë edhe çështja e demarkacionit.
Mali i Zi dhe Kosova kanë ende pezull marrëveshjen për demarkacionin e vijës kufitare midis tyre.
Qeveria e Kosovës nuk ka arritur ta miratojë marrëveshjen me palën malazeze për shkak se nuk ka numrin e duhur të votave pro në Parlament. Nuk ka shumë detaje nga takimi dhe nuk dihet ende kush e ka thirrur atë.
