Shqiptarët janë mësuar tashmë me rritjen e çmimeve të ushqimeve apo produkteve të tjera në raste festash, por ky fenomen këtë vit ka nisur më herët.
Në tregjet e kryeqytetit çmimet kanë njohur rritje që në fillim të muajit dhjetor. Kjo konfirmohet nga vetë qytetarët, të cilët shpenzojnë 20 deri 50 lekë më shumë për të blerë frutat dhe perimet krahasuar me disa ditë më parë.
E ndërsa rritja e çmimeve është shënuar që në fillim të muajit dhjetor, qytetarët i druhen rritjes ekstreme të tyre në prag të festës së Krishtlindjes dhe Vitit të ri .
Edhe në raportin e statistikave vihet re se çmimet e ushqimeve kanë pësuar një rritje të ndjeshme krahasuar më një muaj më parë./ TV KLAN
