Festivali i 18-të i “Këngës Magjike” do të kujtohet gjatë jo vetëm për performancat, artistët, votat apo fituesin që shpallet këtë mbrëmje, por edhe për “çensurën” që ju bë mediave për t’a ndjekur nga afër në backstage.
Në asnjë nga mbrëmjet gjysëm finale dhe natën finale nuk janë lejuar media të tjera veç televizionit Klan, ABC Neës dhe In Tv i cili kishte një kontratë me këtë festivapër të qenë në paskuinstat e festivalit për të marrë impresionet, emocionet nga artistët pjesëmarrës. Nuk dihet përse producentët e këtij festivali kanë marrë këtë vendim këtë vit, ndoshta për të evituar që konfliktet, apo edhe situatat e sikletshme që ndodhën në edicionin e 17-të të përsëriteshin, (duke kujtuar këtu incidentin që përfshiu kantautorin Flori Mumajesi dhe Stine).
Në këtë mënyrë produksioni ka zgjedhur që gjithçka ndodh në këtë festival të mbesë brenda mureve të Pallatit të Kongreseve dhe në pah të dalin vetëm momentet pozitive, çmimet dhe buzëqeshjet e artistëve në skenë pas marrjes së çdo kupe dhe të mos shfaqet mërzia e atyre që nuk arritën trofeun.
E megjithatë sërish duket se nuk ka vijuar pa polemika ky edicion i “Këngës Magjike” i cili ende nuk ka përfunduar mirë. Suplementet e gazetave dhe portalet gjatë ditës së shtunë ka gëluar nga lajmet për këngëtaren Soni Malaj, e cila në një prononcim për suplementin ‘Bluetooth’ është shprehur se po luhej një lojë e pistë pas krahëve të saj duke favorizuar këngëtare të ndryshëm.
Më tej këngëtari Endri Prifti shprehej thoshte se në këtë festival nuk vlerësohen këngëtarët profesioniste që do publiku, por ata që nuk e meritojnë. Nuk dihet ende kush do t’a ngre trofeun e këtij edicioni por diçka është e sigurt mediat shqiptare dhe ato kosovare do të shohin emocionet e fituesit vetëm në skenë dhe nuk do të marrin emocionet e backstage për t’ia përcjellë publikut. Express
