Një shqiptar pronar i një lavazhi në Angli është arrestuar nga policia vendase. Arrestimi i biznesmenit Avion Elezi. vjen tetë muaj pasi një dokumentar i “Al Jazeera” zbuloi kushtet e tmerrshme të punës në lavazhin USA në Chartham të Aylesfordit në Angli.
Në operacion u përfshinë më shumë se 80 oficerë. Mediat raportojnë se policia mbërriti në orën 6:00 të mëngjesit në banesën e biznesmenit dhe u largua me të 30 minuta më vonë.
Ndërsa po hipte në makinë, biznesmeni shqiptar përshëndeti reporterët: “Mirëmëngjesi! Shpresoj të jeni të lumtur”.
Një vajzë 21-vjeçare u pa të shoqërohej më pas, ndërsa u arrestua dhe një burrë tjetër, 32 vjeç.
Policia bastisi dhe shtëpitë që shërbenin për strehimin e punëtorëve, ku ka shoqëruar më shumë se 20 të punësuar për tu marrë në pyetje. Ata besojnë se rreth 15 prej tyre mund të jenë viktima të shfrytëzimit të punës në të zezë.
Elezi ak uzohet për skllavërim modern të punonjësve të tij. Policia ka dyshime dhe po e heton edhe si pjesë të një rrjeti të krimit të organizuar, pasi mbante emigrantë të paligjshëm.
