Ligji italian i miratuar në senat krijon për të gjithë Call Center që operojnë në vendin tonë vështirësi ku mijëra të rinj ngelen të papunë.
Në këtë moment të vështirë për Call Center kreu i Grupit Parlamentar të Lëvizjes Socialiste për Integrim Petrit Vasili zhvilloi një takim me përfaqësues të kompanive “Call Center” në vendin tonë.
Në takimin e sotëm, Vasili tha se ky biznes krijon shumë vende pune për të rinjtë, ndërsa ligji italian i miratuar në Senat krijon vështirësi për “Call Center-at” që operojnë në Shqipëri.
Petrit Vasili bëri thirrje që të ndërhyhet shpejt dhe konkretisht nëpërmjet një paketë masash për mbrojtjen e këtij biznesi.
“Takimi ishte shumë i dobishëm. Ky biznes realizon punësim masiv në vendin tonë. Aktualisht, janë mijëra të rinj të punësuar në kompanitë ‘call center’. Ligji italian ka krijuar vështirësi për të ardhmen e ‘call center’-ave.
Duhet të ndërhyhet shpejt dhe konkretisht. Është e nevojshme një paketë masash. Lehtësirat janë jetike për mbrojtjen e këtij biznesi”, tha kreu i grupit të LSI.
