Ashtu siç edhe e kishte lajmëruar më parë vëllai i princeshës shqiptare, Amos Zaharia, një surprizë e bukur do të shfaqej në skenën e këngës magjike në natën e dytë finale.
Elia, e cila është përzgjedhur si prezantuesja shoqëruese e moderatorit Ardit Gjebrea, kishte paralajmëruar se nuk kishte ardhur për të performuar vetëm si prezantuese.
Por se për çfarë bëhej fjalë e kemi mësuar vetëm në mbrëmjen e sotme të “Kënga magjike, ku në skenë është ngjitur në fillim Elia, më pas i vëllai Amos dhe si qershia mbi tortë erdhi edhe mamaja e tyre, aktorja e famshme Yllka Mujo, të tre për të kënduar këngën himn shqiptare të Vaçe Zelës “Moj e bukura Shqipëri”.
Performanca e tyre ishte vërtetë surprizë dhe ka rrëmbyer duartrokitjet e gjithë publikut të pranishëm në sallën e “Pallatit të Kongreseve”. Gjithccka mund ta shikoni në fotogalerinë e mëposhtme.
