Një 57-vjeçar gjeti vdekjen pasi u përplas nga një automjet, ndërsa ishte duke kaluar rrugën. Aksidenti ndodhi rreth orës 18:10 në aksin Fier-Seman, në fshatin Fermë Çlirim.
Saimir Llakaj, 32 vjeç, banues në Frakull, duke drejtuar makinën “Volkswagen”, me targë AA 342 KV, ka aksidentuar Sh.K, 57 vjeç, banues në fshatin Fermë Çlirim.
Ai ndërroi jetë në Spitalin e Fierit. Ndërkohë, policia shoqëroi në komisariat Saimir Llakajn dhe ka nisur hetimin për zbardhjen e shkakut të aksidentit.
Po në qytetin e Fierit një autobus i linjës Patos-Fier ka aksidentuar një 58-vjeçar nga qyteti i Fierit pasditen e sotme.
Ngjarja ka ndodhur në vendin e quajtur Portez, ku shtetasi Seit Sjasllari nga Porteza është përplasur ndërsa kalonte rrugën.
Nga aksidenti, 58-vjeçari mësohet se ka marrë lëndime në kokë. Ai është transportuar me urgjencë në spitalin e Fierit ku ndodhet nën trajtimin e mjekëve.
Policia ka nisur hetimet për zbardhjen e aksidentit.
