Prokuroria për Krimet e Rënda ka kërkuar sot dënimin me 3 vjet burg për gjyqtarin e Beratit, Shyqyri Çobo, me akuzën e korrupsionit pasiv, pasi e përndoqi me SMS një grua 32¬vjeçare, duke i kërkuar favore seksuale në këmbim të ndihmës në procesin gjyqësor.
Seancën e sotme, prokuroria ka bërë me dije pretencën, duke kërkuar edhe heqje të së drejtës së ushtrimit të detyrës për tre vjet. Por, nga gjykimi i shkurtuar Çobos i mbetet të bëjë dy vjet, nëse gjykata do të jetë në një linjë vendimi me kërkesën e akuzës. Ai akuzohet për “Korrupsion pasiv te gjyqtarëve, prokurorëve dhe funksionarëve të tjerë të organeve të drejtësisë”. Këtë vepër, sipas akuzës, gjyqtari e ka konsumuar pasi me anë të bisedave dhe mesazheve telefonike ka kërkuar favore seksuale nga një grua, të cilën po e gjykonte në një process civil, për divorc. Vetë gjyqtari nuk ka qenë i pranishëm në seancë.
SMS¬TE E GJYQTARIT
SMS 1 i gjyqtarit: “Përshëndetje, gëzon të gjithë kredin mirënjohës nga ana ime. Performanca juaj më imponoi respekt, pse jo dhe ndjesi. A u sqarove me avokatin rekomandues. Problemi yt sinqerisht më diktoi keqardhje, mos hezito me sms apo me tel. Do të mirëpres, respekte. Ok?”.
SMS 2 i gruas: “Shumë faleminderit për gjithçka. Jam shumë mirënjohëse për bujarinë dhe mirëkuptimin tuaj. Me avokatin u mora vesh. Keni vetëm urimet më të mira nga ana ime dhe Zoti ju bekoftë ju dhe familjen tuaj”.
SMS 3 i gjyqtarit: “Uroj që në raportin komunikues midis nesh do të gëzosh mirëkuptimin tim, gjykoj se duhet të evitosh druajtjen. Më vlerëso konfidencial dhe si mik të hershëm do të të mirëkuptoj. Ok?”. SMS 4 i gjyqtarit: “Të këshilloj tepër miqësisht që në konceptin apo në filozofinë perceptuese mos reflekto mendësi fshatareske të natyrës provinciale duke u munduar të tregosh moral, koha ka evoluar, ndaj duhet të jesh më elokuente me veten dhe në shoqëri, OK?”.
SMS 5 i gjyqtarit: “Zogu – do më vinte mirë të të thërrisja kështu se si zogë je! OK??”. SMS 6 i gjyqtarit: “Është e vërtetë që je ‘Tip i vështirë’ në raportin komunikues, por ‘Tip inteligjente’ me performancë femërore tepër perfekte.. Ke vlera në vetvete! Të respektoj dhe nuk dua të të humbas! Ok?”.
SMS 7 i gjyqtarit: …. “Mirëmëngjes!! Po të shkruaj shpejt. Zgjohem në orën 04:00 dhe ora 05:30 nisem për në punë. Unë gjykoj se ti duhet të njohësh madje dhe të administrosh vlerat të cilat s’të mungojnë.. Ti gëzon simpati, inteligjencë dhe një komunikim tepër komplimentar. Je tepër femërore. Për këtë shkak duhet të jesh KRENARE! Respekte”.
SMS 8 i gjyqtarit: “Përsa i përket çështjes të cilën natyrshëm Ti e ke ‘gangrenë’, sinqerisht do kesh suport gjithë ‘kredinë’ time juridike..! Ok?? Së dyti në kondicionin social në perceptimin tim aktualisht je ‘skanuar’ femër (mami) tepër bashkëkohore potente plot vizion… Ky është dhe ‘motivi’ imponues i imi që ti të jesh mikesha ime konseguente. Nuk dua të gjykoj se ti je një zonjë provinciale me mendësi fshatareske.. Fundja në CV¬në tënde je dikush.. Shpresoj mirëkuptimin tuaj..! Ok??”.
SMS 9 i gjyqtarit: “Psikoanalisti austriak Sesil Frojd shkruan se ‘kur je i martuar dhe ke një të dashur, ky është komoditet, nëse i dashuri është dikush, atëherë ky është luks”.
SMS 10 i gjyqtarit: “Përshëndetje! Gëzon të gjithë kredinë mirënjohëse nga ana ime. ‘Performanca’ juaj më imponoi respekte, pse jo dhe ndjesi. A u sqarove me avokatin rekomandues? ‘Problemi’ sinqerisht më diktoi keqardhje… Mos hezito me sms apo me tel… do të mirëpres. Respekte! Ok?”.
SMS 11: “Uroj që në ‘Raportim’ komunikues midis nesh do gëzosh mirëkuptimin tim.. gjykoj se duhet të evitosh druajtjen…! Më vlerëso konfidencial dhe si ‘Mike’ të hershme, do të mirëkuptoj.. Ok??”.
SMS 12: “Brishtësia e performancës tënde më krijoi mirënjohje.. këtë fundjavë do të jem në Malin e Zi. Komunikimi me ty, objektivisht është kënaqësia.. telefonata apo sms e tua nuk më shkaktojnë bezdi, përkundrazi i mirëpres.. je shumë e këndshme.. të adhuroj.. më mirëkupto. Ok!”.
Mbi 60 mjekë laborantë kanë protestuar sot përpara Laboratorit Bio-Kimik në QSUT. Ata kërkojnë anullimin e dhënies me koncesion të privatizimit të laboratorëve, i parashikuar në buxhetin e 2017 –tës.
Kjo protestë vjen edhe si shkak i një mungesë të theksuar transparence dhe pa asnjë konsultim me publikun, që qeveria ka projektuar në buxhetin e vitit 2017, koncesionin për “Ofrimin e shërbimeve laboratorike spitalore”.
Koncesioni i laboratorëve në buxhetin e 2017
Mbi 65 milion euro nga fondet publike pritet të jepen për 10 vitet e ardhshme ndërsa kontraktuesi do të ketë në dispozicion 18 laboratoret shtetërore që përfshijnë ambientet, pajisjet dhe reagentet.
Në projekt-buxhetin e vitit 2017 shihet qartë se Ministria e Shëndetësisë i ka shkaktuar një gropë të madhe financiare vendit tonë nga koncesionet e dhëna në 4 vite qeverisje. I fundit në zërin e Shëndetësisë është koncesioni për laboratorët e shërbimit spitalor, ku bëjnë pjesë laboratorët biokimikë, klinikë dhe mikrobiologjikë të të gjitha spitaleve të vendit, me një fond limit 886.300.000 lekë në vit.
Kërkesa për mbështetje financiare për këtë koncesion ose siç e quan ndryshe qeveria Partneritet Publik Privat (PPP) është bërë nga ana Ministrisë së Shëndetësisë dhe Ministria e Mjedisit ndërsa ka marrë edhe miratimin e Ministrisë së Financave duke e futur në paketën e projekt-buxhetit të 2017.
Në fund të mandatit të saj qeverisës të 2017, Rama dhe Beqaj pritet të shpërblejnë një nga klientët e tyre duke grabitur miliarda lekë nga xhepat e shqiptarëve. Arsyetimi i qeverisë, si edhe në rastet e tjera, është se qeveria nuk ka mundësi të investojë në këta laboratorë, prandaj ajo kërkon që “të përmirësojë shërbimet laboratorike nëpërmjet pjesmarrjes së sektorit privat.”
Vendimi për dhënien me konçesion të laboratorëve është marrë pa bërë asnjë studim fizibiliteti apo vlerësime dhe analiza të tjera. Por për të justifikuar vendimin dhe për t’i dhënë atij një dozë kredibiliteti, qeveria ka pajtuar, në shkurt 2015, përkundrejt pagesës prej 74 mijë dollarë, ekspertizën e IFC-së për asistencë teknike në hartimin e projektit konçesionar dhe përgatitjen e tenderit.
