Një konflikt interesi për një pronë ka bërë që dy vëllezër të përfshihen në një sherr ku ka ngelur i plagosur njëri prej tyre. Ngjarja ndodhi dje në Memaliaj.
Policia ka arrestuar në flagrancë 55-vjeçarin, Robert Beta, banues në fshatin Vasjar. Dje rreth orës 15:30 në banesën e tyre, për motive pronësie, 55-vjeçari ka goditur me sende të forta vëllanë e tij I.B, 58 vjeç.
Ky i fundit ka marrë dëmtime të rënda në kokë dhe në trup. Ai ndodhet në spitalin Rajonal “Omer Nishani” të Gjirokastrës, jashtë rrezikut për jetën.
