Një avion në Pakistan me 47 persona në bord, raportohet të jetë rrëzuar këtë të merkurë, teksa ishte rrugës nga Chitral për në Islamabad.
Agjencia e lajmeve e Pakistanit “Dunya News” raporton se fluturimi PK 661 u rrëzua në fshatin Bodlain në krahinën e Havelianit.
Në një deklaratë nga linja ajrore ANP, thuhet se “qendra e tyre e përgjigjeve emergjente është aktivizuar” dhe “të gjitha burimet janë duke u mobilizuar” ne lidhje me menaxhimin e situates.
Nuk dihet ende se çfarë e shkaktoi aksidentin, teksa paraprakisht thuhet se avioni kishte humbur kontaktin me kullën kontrollit.
Linja ndërkombëtare ajrore në Pakistan është akuzuar në të shkuarën për mungesë të sigurisë.
Nuk dihet ende fati i personave që ndodheshin në bordin e këtij avioni. Aktualisht drejt vendit të ngjarjes janë nisur skuadrat e shpëtimit.
