Një modele gjermane po lahej në det pa dalluar se fare pak metra pas saj notonte një peshkaqen gjigand.
34-vjeçarja Simone Gutsche ndodhej në një plazh pranë Orlandos, Florida, kur pushuesit nisën t’ia bënin me dorë. Fillimisht ajo mendoi se ata thjeshtë po tregoheshin miqësor me të, derisa të pranishmit nisën ta thërrisnin me zë të lartë.
Ishte ky momenti kur Gutsche vendosi të shihte pas saj për të zbuluar peshkaqenin, që po notonte fare pranë.
Peshkaqenët e rrezikshëm tigër janë vizitorë të shpeshtë të plazhit pranë Cape Canaveral. Pikërisht kur doli në breg njerëzit i thanë se në ujë nuk ishte e vetme, transmeton Shqip.
“Më thanë që 10 metra pas shpinës time po vërtitej një peshkaqen gjigand. Nuk e besova deri në momentin, kur dikush më tregoi një foto që kishte shkrepur. U tmerrova!”, thotë ajo.
