Tre gola në një ndeshje të Champions, dy të realizuar brenda 180 sekondash, turku i Barcelonës, Arda Turan, mbrëmjen e së martës shënoi tre gola në portën e Borussia Moenchengladbach (fituar nga katalanët 4-0, me golin e parë të shënuar nga Messi), duke hyrë në historinë e klubit dhe të Champions.
Para tij kanë qenë vetëm Rivaldo, Ronaldinho, Eto’o, Messi e Neymar, me fanellën e Barca, të cilët kanë shënuar nga tre gola në portat kundërshtare në një ndeshje të Champions.
Turan me këto tre gola ka hyrë edhe në historinë e futbollit turk. Më parë kanë qenë vetëm Burak Yilmaz e Sanli Tuncay, të cilët kanë shënuar nga tre gola.
