Një sherr banal për një pemë ka sjellë vrasjen e një personi në Kavajë. Konflikti mes dy kushërinjve ka ndodhur mëngjesin e së martës në fshatin Cikallesh të Kavajës.
Viktima është identifikuar si Fatmir Çeletaj. Ngjarja ka ndodhur rreth orës 09:40 ku viktima është përleshur me mjete të forta me Qamil Çeletaj, me të cilin ka lidhje gjaku.
Sherri brenda fisit Çelataj mësohet se ka ndodhur për shkak të një lisi. Personat e përfshirë në ngjarje mësohet se kishin kohë që ishin në sherr për lisin pemën dhe sot kanë debatuar sërish.
I lënduar nga kjo ngjarje ka mbetur edhe një tjetër person. Ai është Vilson Isufi, i cili është dërguar në S.Q.U. Aktualisht, grupi hetimor po punon për sqarimin e rrethanave të ngjarjes.
