Policia e Elbasanit, ka finalizuan me sukses operacionin e koduar “Galeria e mbyllur”. Nga informacionet e marra në rrugë operative dhe si rezultat i një pune të mirëorganizuar
u bë arrestimi në flagrancë i Bledar Malo, 31 vjeç, banues në fshatin Kotodesh Prrenjas
Ai u arrestua nga efektivat e policisë, pasi duke drejtuar mjetin e tij tip “Benz” kamion me targa AA 995 LE në fshatin Bërzesht, pranë pikës së grumbullimit të mineralëve, u ndalua dhe u konstatua duke transportuar 12.5 ton, lëndë minerale të lloit “Krom”.
Gjatë kontrollit të ushtruar nga grupi hetimor rezultoi se fatura e shoqërimit dyshohet të jetë e falsifikuar, gjatë verifikimeve të bëra nga minerali dyshohet të jetë marrë në galerinë e minierës në fshatin Katjel Prrenjas, për të cilin nuk lejohet nxjerrja e kromit pasi është e mbyllur.
Gjithashtu proçedohen penalisht edhe shtetasi SH.M, 58 vjeç, banues në fshatin Kotodesh Prrenjas
Ai dyshohet të ketë ndihmuar shtetasin Malo në marrjen e faturës së shoqërimit nga Administratori i firmës.
B.O, 28 vjeç, banues në fshatin Fanjë Prrenjas, me detyrë administrator i firmës. 28-vjeçari dyshohet të ketë lëshuar një faturë shoqërimi të falsifikuar për shtetasin Bledar Malo.
