Një person ka humbur jetën si pasojë e një aksidenti në qytetin e Korçës.Mësohet se viktima po udhëtonte me biçikletë teksa është përplasur nga një automjet në vendin “Ura fajancës”.
Nuk dihet ende identiteti i viktimës dhe i autorit. Ky i fundit është shpallur në kërkim nga policia, pasi është larguar menjëherë nga vendi i ngjarjes.
Shkak i këtij aksidenti dyshohet të jetë shpejtësia e lartë e drejtuesit të automjetit si dhe lagështira në rrugë.
Policia ndodhet në vendin e ngjarjes dhe po punon për zbardhjen e plotë të këtij aksidenti.