Orë të vështira për yllin e Real Madrid Cristiano Ronaldo, pasi nuk i ka aspak mirë punët me shtetin spanjoll.
Jose Maria Mollinedo, sekretari i përgjithshëm i Gestha (Unionit Teknik i Financave), thotë se Cristiano Ronaldo mund të dënohet me gjashtë vite burg nëse shpallet fajtor për evazion fiskal.
“Nese do të përballeni me një mashtrim të rëndë të taksave, kjo do të thotë se dënimi minimal është dy vjet burg për çdo vit mashtrimi. Nëse inspektimi është hapur qe tre vjet, atëherë të paktën do të jenë 6 vjet burg”, ka deklaruar Mollinedo.
Portugezi po akuzohet për evazion fiskal që nga java e kaluar. Sipas mediave në Spanjë, Ronaldo i është shmangur tatimit për 150 milionë euro të fituara nga sponsorët personalë.
Por kampioni i Evropës i ka mohuar të gjitha këto akuza.
