Sërish eksploziv banesës së oficerit të krimeve në Komisariatin e Policisë së Rinasit. Kur nuk kanë kaluar më shumë se 2 javë nga shpërthimi i parë, në banesën e Arben Kajmakut në Fushë Prezë, ka shpërthyer një tjetër sasi eksplozivi.
Burime nga policia thanë për SYRI.net se ngjarja ka ndodhur mbrëmjen e djeshme, ndërsa nga shpërthimi ka vetën dëme materiale.
“Rreth orës 21:30 minuta të mbrëmjes së djeshme në Fushë-Prezë, në oborrin e banesës së Arben Kajmakut, 43 vjeç është vendosur e ka shpërthyer lëndë eksplozivi dyshohet tritol”, thanë për SYRI.net burime nga policia e kryeqytetit.
Si pasojë e këtij shpërthimi mësohet se është dëmtuar një bordurë prej betoni. Policia tha se ka nisur hetimet për të ardhur shkaqet dhe identifikuar autorët e kësaj ngjarje, të dytë brenda pak ditësh.
