Një skandal ka ndodhur me parlamentarët socialistë që kanë manipuluar firmën e koleges së tyre, deputetes Blerina Gjylameti. Ka qenë kjo e fundit që ka ngritur shqetësimin në mbledhjen e grupit të Partisë Socialiste.
Ajo i ka kërkuar grupit parlamentar të prononcohet lidhur me keqpërdorimin e firmës së saj në dokumentin ku një grup prej 7 deputetësh përfshirë edhe atë, kërkonin shtyrjen e ligjit për lojërat e fatit me dy vite të tjera.
Gjylameti ka thënë se firma në amendamentin e depozituar në kuvend nuk është vendosur për një përmbajtje të tillë të ligjit, pasi ajo është kundër lojërave të fatit.
Për këtë arsye ajo ka deklaruar se do t’i dërgojë shkresë kuvendit për t’u tërhequr nga kjo nismë.
Por pavarësisht rëndësisë së situatës, Kreu i grupit parlamentar Gramoz Ruçi mësohet t’i ketë thënë se “këtu nuk është vendi për të diskutuar një gjë të tillë, dhe se ka instanca të tjera që do ta marrin në diskutim sa më shpejt” por se kush janë këto seanca.
