Gjykata e Fierit ka dhënë sot masën “arrest me burg” për Ferdinand Rukon, burrin që vrau mizorisht gruan e tij Lilian Ruko duke e hedhur nga dritarja e banjës së banesës në katin e 4-t.
Më parë gjykata kishte dhënë urdhër mbrojtje për Liljana Ruko përpara se ajo të vritej nga bashkëshorti i saj. 52-vjeçari ishte urdhëruar të mos kryente vepra dhune ndaj bashkëshortes.
Pasi kishte pranuar padinë e bërë nga Liljana Ruko, Gjykata kishte urdhëruar Ferdinandin të mos i afrohej gruas më shumë se dy metra. Ai gjithashtu duhet të paguante dhe detyrimin ushqimor, ndërsa Liljana duhet të jetonte në lagjen “Kryengritja e Fierit”, sipas vendimit të gjykatës.
