Ish-Kryeministri Sali Berisha i ka bërë thirrje Prokurorisë që të nisë hetimet për rastin e vdekjes së 24-vjeçarit nga Përmeti Endri Dhimitri, i cili u gjet i pajetë disa ditë më parë.
Në një status në Facebook, Berisha thotë se i riu vdiq nga dhuna e ushtruar nga policia, pasi ishte shoqëruar në komisariat pas një sherri në një lokal nate.
Paraprakisht është deklaruar se 24-vjeçari u gjet i pajetë pasi kishte konsumuar sasi të madhe alkooli. Dyshohet se vdekja mund t’i jetë shkaktuar nga ndonjë hemorragji e brendshme, por kjo mbetet ende për t’u verifikuar nga rezultatet e autopsisë.
Por, Berisha rrëzon teorinë e alkoolit dhe thotë se Endri Dhimitri u vra nga policia dhe po tentohet që të mbulohet kjo ngjarje e rëndë.
Denoncimi i ish-Kryeministrit Sali Berisha:
Heshtje kriminale per vrasje te akuzuar si shteterore te Endri Dhimitrit!
Te dashur miq, nje heshtje varri dhe nje shishe whisky si alibi, po mbulojne vrasjen shteterore te 24 vjeçarit Endri Dhimitri.
Prej tre ditesh, me urdher te Edi Rames vrasesit e vertet me uniforme te Endri Dhimitrit fshihen per krimin e tyre te shemtuar pas nje shishe ëhisky.
Deshmitaret te tronditur nga vrasja ne komisariat te policise, denoncuan si qytetar dixhital krimin e shemtuar te policise.
Ata deshmojne se i riu Endri Dhimitri, pas nje zenke me shoket e tij ne nje klub nate, eshte marre me force nga policia ne komisariat ku dhe eshte rrahur shtazerisht per vdekje.
Kriminelet me uniforme mashtrojne dhe perpiqen te fshehin krimin me nje shishe ëhisky, qe sipas tyre paska pire viktima.!
Dhe nje here i bej thirrje Prokurorit te Pergjithshem te urdheroje hetimin e ketij krimi te shemtuar nga vrases me uniforme, sikunder ftoj te gjithe ata qe kane te dhena shtese ti paraqesin publikisht ose ne prokurori te dhenat per vrasjen shteterore te ketij te riu! Sb
