Dy të moshuar kanë mbetur të plagosur rëndë nga shpërthimi i një bombole gazi në qytetin e Durrësit mbrëmjen e sotme.
Ngjarja ka ndodhur rreth orës 19:30 pranë Pallatit të Sportit në qytetin bregdetar ku mësohet se dy të moshuarit kanë marrë plagë të shumta nga shpërthimi i bombolës.
Ata janë dërguar me urgjencë drejt Spitalit. Në vendngjarje ka mbërritur policia dhe ka nisur hetimet për ngjarjen.
NJOFTIMI I POLICISË
Durrës, më 03.12.2016 Informacion-Paraprak. Më datë 03.12.2016, rreth orës 19:12, në banesën e shtetasit S.M. ka shpërthyer një bombël e vogël gazi që shërbente për ngrohje. Për pasojë janë dëmtuar lehtë shtetasit S.M. 77 vjeç dhe bashkëshortja e tij, shtetësia S. M. 73 vjeçe, të cilët po marrin ndihmë mjekësore në Spitalin Rajonal Durrës. Në vendngjarje ndodhen Efektivat e Policisë, të cilët po punojnë për sqarimin e rrethanave të ngjarjes.
