Një 22-vjeçar i cili ishte dëbuar nga Italia, u kthye përsëri dhe pa asnjë vështirësi duke mos u zbuluar nga policia italiane. Alberto Gjokaj u dëbua dhe u shoqërua drejt portit të Brindizit, por që nga muaji gusht 22- vjecari shqiptar jeton i qetë e si një zotëri në rezidencën Leon D’Oro në Sassuolo.
Shqiptari, sipas policisë, së bashku me 5 bashkatdhetarë të tjerë janë në listën e hajdutëve akrobatë që ishin bërë tmerri i banorëve në zonë. Vidhnin sende me vlerë, ora të shtrenjta e bizhuteri, me teknikën e tyre të veçantë në historinë e grabitjeve. Ata janë skeduar për vjedhje në Modena, Maranello, Sassuolo…
Tashmë banda pritet të dalë në gjyq. Ndërkohë që do të rrinë të gjithë në burg deri në verifikimet e plota policore. Pjesë e grupit ishte edhe një tjetër shqiptar, Rudenc Laska, 27 vjeç, i njohur për aktivitet kriminal në Milano. Pjesëtarët e tjerë janë të gjithë të hyrë në mënyrë ilegale në Itali.
