Skuadra e Napoli u kthye te fitorja, pas disa ndeshjesh me rezultate jo të mira. Por napoletanët e kanë nisur serin e fitoreve më së miri pasi ata mundën Interin me rezultatin e pastër 3 – 0. Në sfidën hapëse të javës së 15 të Serie A, e zhvilluar mbrëmjen e së premtes ekipi i Sarrit realizoi dy herë brenda 5 minutave.
Zielinski dhe kapiteni Hamsik tronditën zikaltërit, që shfaqën probleme në mbrojte. Pjesa e parë mund të kishte patur gola të tjerë, por Handanovic ishte shpëtimtar me pritjet e tij.
Insigne realizoi përsëri për të siguruar përfundimisht fitoren në minutën e 51’. Një kthesë pozitive për Napoli që nuk ka patur rezultate të kënaqshme javët e fundit, ndërsa Inter nuk po e kalon krizën. Probleme për mbrojtësin e kombëtares Elseid Hysaj pati në këtë sfidë. Mbrojtësi shqiptar u zëvendësua në minutën e 61’.
