Lëvizja Socialiste për Integrim ka mbledhur sot Konventën Kombëtare Zgjedhore në pallatin e sportit “Asllan Rusi”.
Në fjalën e tij kreu i LSI-së, Ilir Meta, ka folur edhe për koalicionin me PS-së.“Ne i kemi qëndruar besnik koalicionit me PS, duke pasur si busull interesat, të drejtat dhe detyrimet ndaj qytetarëve të vendit me orientim të qartë evropian, por duhet të ketë përpjekje të vazhdueshme për të dëgjuar njëri¬tjetrin, mësuar, respektuar dhe gjetur gjuhën e përbashkët, pasi politikat e njëanshme, të nxituara prodhojnë tensione të panevojshëm, jo vetëm brenda koalicionit, por edhe me aleatët. Koalicioni ynë ka potencial të lartë, por të pashfrytëzuar ende për sinergjinë në plotësimin e premtimeve zgjedhore dhe sfidave”, tha Meta.
Meta theksoi se shpresojmë në konsensus për listat e hapura, jo deputetë me tendera në Kuvend. “Të mos çojmë në kuvend deputetë që kërkojnë tendera dhe bëjnë persion ministrave. Shpresojmë në një konsensus për listat e hapura si një e drejtë që i jepet qytetarëve për të zgjedhur kandidatët më të mirë”, tha kreu i LSI-së.
Gjatë fjalës së tij Meta u ndal edhe për ligji i mbetjeve, duke theksuar se shqetësimet janë të drejta, dhe duhet reflektim. “Edhe për ligjin e mbetjeve po dëgjojmë me vëmendje dhe besojmë se duhet konsensus me shoqërinë civile dhe reflektim i thellë për disa shqetësime të drejta të saj”, tha Meta.
Kryesocialisti foli edhe për marrëdhëniet e Tiranës dhe Athinës. “Asnjë çështje e trashëguar nuk duhet të cënojë këtë miqësi dhe intersat e dy vendeve. Ndaj çdo retorikë demolizuese nga Athina apo Tirana nuk i shërben marrëdhënieve mes Greqisë e Shqipërisë dhe LSI distancohet nga kjo retorikë”, Meta.
