Ashtu siç e ka zakon, kryeministri Edi Rama pas çdo vizite nëpër kantiere ndërtime të punimeve të ndryshme, publikon më pas disa foto në profilin e tij në rrjetin social ‘Facebook’.
Nga inspektimi që bëri tek mbikalimi në kryqëzimin e Rrugës së Kavajës me Unazën e Re, e cila është në ndërtim e sipër, ka shtuar se ky aks strategjik, së bashku me bulevardin e ri dhe Sheshin e rindërtuar Skënderbej do t’i shtohen vitin e ardhshëm hartës së Tiranës së re Europiane.
Por kjo gje nuk i ka pëlqyer shumë komentuesve dhe njëri perj tyre, i është ankuar Ramës duke i shkruar se “vazhdon betonizimi i Tiranës dmth?!” Por kryeministri nga ana e tij nuk ja ka përtuar dhe ka pasur një përgjigje për të, ashtu siç po i kthen shumë komentuesve në “FB”. Me ironi Rama i thotë: Po po, deri sa te shpiket një mbikalim druri.
