Policia Angleze ka arrestuar katër shqiptarë, pasi dyshohet se trafikonin emigrantë nga Shqipëria drejt ishullit.
Ata kishin ngritur një rrjet të trafikut të emigrantëve të paligjshëm, pasi më herët në pranga kanë rënë dhe katër persona të tjerë në shtetin belg, të cilët dyshohet se kanë qenë pjesë e të njëjtit grup kriminal.
Në pranga kanë rënë Albert Fikaj, 32 vjeç, Afrim Sykaj 41 vjeç, Qemal Isaj 35 vjeç, dhe Valmir Sokolaj, 28 vjeç.
Të arrestuarve u është dhënë masa e sigurisë ‘arrest me burg’ nga Gjykata e Westminster-it dhe ata do përballen me ekstradimin në Belgjikë për hetime të mëtejshme.
Grupi i strukturuar kriminal, pjesë e së cilit ishin dhe katër shqiptarët e arrestuar, trafikonin emigrantë nga Shqipëria drejt Anglisë kundrejt pagesës.