Një ngjarje e rëndë ka ndodhur në Austri, ku një grua e re ka shpërthyer në gjakderdhje duke ekzekutuar tre fëmijët e saj, nënën që e kishte sjellë atë në këtë botë dhe vëllain e saj.
Krimi i shëmtuar ka ndodhur të enjten në qytetin Böheimkirchen – District St. Pölten-Land – në Austri, raporton noa.al, duke cituar mediat austriake dhe policinë lokale.
Pas vrasjes së pesëfishtë, gruaja ka vrarë veten.
Tre fëmijët e autores, ishin midis moshës 7 deri dhjetë vjeç. Më e vogla ishte vajza kurse dhjetëvjeçarë, dy djemtë e saj binjakë.
Vëllai i autores ishte 40 vjeç kurse nëna e saj, rreth 60 vjeçe.
Vetë autorja që gjithashtu vdiq, ishte afro 35 vjeçe.
Nuk ka pista të qarta për shkaqet e kësaj tragjedie me gjashtë të vrarë. Policia thotë se deri tani nuk është në gjendje të zbardhë arsyet që e çuan këtë grua të ndërmarrë aktin e tmerrshëm.
Familja ishte e tërhequr në komunitet dhe kishte ardhur në zonë rreth një vit më parë.
Fqinjët kanë treguar se pas mbylljes së restorantit, familja jetonte me pensionin e gruas më të vjetër.
Policia tha se krimi ishte kryer me një armë zjarri tip pistoletë e cila u gjet në banesën e përgjakur.
