Miratimi i ligjit në Itali rrezikon shumë ekonominë shqiptare pasi në sektorin e Call Center janë të punësuar rreth 25 mijë të rinj.
Ligji i ri pritet të miratohet tani në dhjetor. Lidhur me këtë situatë që ndikon drejtpërdrejt në xhepat e qytetarëve shqiptarë, kryetari i shoqatës së Call Center në Shqipëri, Gentian Drenova lajmëroi se ndikimet e ligjit italian kanë nisur pasi disa kompani po largohen nga Shqipëria.
“Ligji italian po ndikon që tani te investimet, disa kompani janë tërhequr. Ligji mund të ndikojë në terma afatgjatë në kompanitë shqiptare”, u shpreh ai në një takim me me Ministrin e Mirëqenies Sociale, Blendi Klosi dhe përfaqësuesve të tjerë të biznesit “Call Center” në Shqipëri. Ndërsa Klosi premtoi se “Qeveria shqiptare do të negociojë me Italinë në mënyrë që ligji i ri që pritet të miratohet në Dhjetor për mbylljen e kompanive në vendet që nuk janë në BE, të ketë sa më pak ndikim në Shqipëri”.
