Pas 15 orë diskutimesh debatesh të forta dhe akuza të ndryshme në Kuvend, maxhoranca ka miratuar në parim buxhetin dhe paketën fiskale për vitin 2017.Votimi u krye rreth orës 02:40 minuta të mëngjesit të sotëm dhe buxheti mori 82 vota pro, dhe dy kundër, ndërsa në votim nuk mori pjesë opozita.
Në kohë që do votohej opozita u largua nga salla dhe i vetmi që qëndroi dhe votoi pro buxhetit nga opozita ishte deputeti Mhill Fufi, ndërsa kundër buxhetit votuan Ben Blushi dhe Mimoza Hafizi.
Buxheti u prezantua nga kryeministri Edi Rama, i cili deklaroi se buxheti finalizon një përpjekje të madhe për të futur shtetin në shinat, prej nga kishte dalë kur morën detyrën.
